أفراح

امبارح كان فرح بنت خالي.. 
كنا أصحاب قوي واحنا صغيرين, بس دلوقتي احنا مش قريبين قوي من بعض للأسف..

أي حد يعرفني كويس , يعرف إني بحب الأفراح قوي .. و دايما أما بحب حد "حتى لو احنا مش قريبين " ببقى نفسي اتعزم على فرحه / فرحها .. و بفضل افكر في شكلهم في الزفه, في الكوشة, طب شكل أول طفل ليهم.. بسرح قوي بخيالي .. :)
بحب أشوف اللي بحبهم فرحانين.. كمان فكرة الجواز بتطمني "بشكل ما" على اللي بحبهم "ولاد أو بنات" بحس إن بقى لهم حد يتسندوا عليه في الدنيا..  كمان الجواز بالنسبالي احتفال بالعلاقه و الcommitment, و تعهد ضمني إن الإتنين دول هيفضلوا جنب بعض.. مهما الدنيا تعمل فيهم, و مهما الايام تشيلهم و تحطهم .. مهما حصل من الاخر  "المفروض يعني "

بس مؤخرا, الفكره اللي بقت تسيطر عليَّه في الأفراح هي, يا ترى هشوف فلانه و هي بتتجوز ؟؟ يا ترى هقدر "أمشي" في زفتها .. يا ترى "هشوفها" بالفستان الأبيض ؟؟
والفكره التانيه المسيطره عليَّه هي, يا ترى هقدر أرجع  في يوم افرح من قلبي من غير ما أحس بوجع بعدها ؟؟ هقدر أفرح لبنت خالي من غير ما افكر في الشهيد احمد صالح مثلا و يوم جنازته, و اد إيه أمه كان نفسها تفرح بيه ؟؟ هقدر ابقى متحمسه لفرح واحده من اعز أصحابي من غير ما آخر يوم للشهيد محمد مصطفى على الأرض يفضل يدور في بالي ؟؟
معنديش إجابة للسؤال ده دلوقتي.. و يمكن موصلش لاجابه طول عمري.. بس الأكيد, إني قلبي هيوجعني أقل, أما اجيب حقهم, أو أموت زيهم و اطلع فوق معاهم و اسيبكم تكملوا المشوار .. :)

هيما..

• عن خالي الحبيب أتحدث , أبي بعد أبي ..

  
  إنه في مكان لا استطيع ان أكون معه فيه .. ولا يستطيع هو ان يكون معي ..

  لن نستطيع ان نتحدث عن مستقبلي, و أحلامي و تطلعاتي
  لن تكون معي يوم زفافي فيوصي عريسي بي خيرا , ويتوعده بالويل إذا ما اغضبني يوما ..
  لن يكون معي يوم استلامي لشهادة الماجستير أو الدكتوراه ليقول لي "كنت دائما اتطلع لهذا اليوم" , ويفخر بي على فخره ..
  لن يكون معي يوم ولادة طفلي الاول , فـيحمله كما حملني , و يدللة كما دللني..
  لن يكون حاضرا بعد اليوم ليغيظني "مزاحا" بسبب زيادة وزني , ويحثني على فقد بعضه حفاظا على صحتي , حتى أنا كنا نمارس المشي سويا أحيانا ..لن يعطيني نقود "بدون علم ابي و امي " حتى "ادلع" نفسي على حد تعبيره ..
  لن يستطيع ان يقول لي "اذهبي وافعلي كذا و كذا ولاتكترثي بحديث أحد ," على أي حلم من احلامي الشاردة , والمجنونة أحيانا ..

   

  لا لا .. إنه لم يمت .. بارك الله في عمره, إنه هنا وليس هنا .. لا يعلم بوجودنا .. انه مصاب ب"الزهايمر" !!!!